BIJOMBO, CONGO – Ku minsi 7/12/2017 abantu batanu nibo baguye mumirwano y’inyeshamba za mai mai n’abasore b’abanyamurenge yabereye mukarere ka Bijombo. Imwe mumirambo y’abaguye muri iyi intambara ntimenyekana, ariko tukomeza gukurikirana aya makuru hafi.
Iyi mirwano ivugwa hagati y’abaturage bo mubwoko bwa Abanyamurenge n’Abapfurero bafashijwe n’Abanyintu muntara ya Bijombo territoire ya Uvira (Sud-Kivu), biravugwa yuko yatewe n’iyicwa ry’umu Pasiteri w’umupfurero warashwe n’abantu batabashije kumenyekana.
Aba bagizi ba nabi basanze uyu umu Pasiteri iwe munzu baramurasa, bamurega icaha co kuroga. Nyuma yo kurasa uyu umu Pasiteri, abaturage b’Abapfurero bavuze yuko Abanyamurenge aribo bakoze aya mahano, nyuma haza kwaduka iyi ntambara.
Munkuru dukesha Radio Okapi, abantu 10 mumpande zombi nibo bakomerekeye muri iyi ntambara. Ibi byatangajwe n’ubuyobozi bwa MONUSCO bukorera mumuhana wa Uvira. Indege ya MONUSCO niyo yikoreye izi inkomeri izivana mu Bijombo zerekeza mumavuriro (ibitaro) Uvira.
Nkuko byatangajwe n’ubuyobozi bwa Bijombo, nta muturage ubarizwa mu imihana imwe ya Bijombo kuko abaturage benshi bahungiye Kundondo, bahunze iyi ntambara.
Nkuko byemezwa n’ubuyobozi bwa leta ya Congo, Bafuliiru n’Abanyintu bafite ubwabo buyobozi mugihe Abanyamulenge nabo bafite ubwabo buyobozi. Ibi ndetse akaba ari nabyo biri mubintu bituma aya moko yombi atavuga kimwe.