Bukavu: Umurwayi wanyuma wakekwaga ho indwara ya COVID-19 yasezerewe, arataha iwe.

0
20

BUKAVU, SUD-KIVU:- Nakabiri, ku minsi 28/04/2020 nibwo umurwayi wanyuma wari mubitaro akekwa ho indwara ya COVID-19, mu muji wa Bukavu yasezerewe n’abaganga; uyu murwayi yabwiwe yuko atakirwaye iyi ndwara kandi akaba yatashe murugo iwe.

Nkuko byatangajwe n’umukuru w’intara ya Kivu y’amaj’epfo, guverineri Theo Ngwabidje Kasi yavuze yuko uyu ariwe murwayi wenyine wari asigaye arwaye, ariko ko bitavuze yuko abaturage badakomeza kwirinda iyi ndwara. Guverineri Theo arasaba abaturage gukomeza kwirinda no gukomeza gukurikiza amabwiriza atangwa n’abaganga yo kwirinda iyi ndwara ya COVID-19.

Nkuko byatangajwe n’uyu muyobozi, yavuze yuko uyu yari umurwayi ugira gatatu wari watowe mo iyi ndwara yugarije isi.

Tubibutse yuko uyu murwayi asezererwa mu bitaro, ubuyobozi bw’ibitaro bya Bwindi (aho yari arwariye) bwabanjije gukora ibirori byo kwishimira gukira kw’aba barwayi bose ko ari batatu. Muri ibi birori nibwo Guverineri Theo yatangarije abari bitabiriye uyu muhango yuko uyu ariwe murwayi wenyinye wari usigaye muntara yose ya Kivu y’amaj’epfo. Guverineri yakomeje asaba abaturage bose ko bakomeza gukora isuku ndetse no kwirinda kugira ngo iyi ndwara itazahava yongera kugaruka.

Nyuma yuko uyu murwayi asezerewe, Guverineri Theo yavuze yuko hagiye gushirwaho igihano k’umuntu wese uzafatwa n’inzego z’umutekano atambaye agapfuka muunwa. Guverineri Theo yagize ati:

Buri wese uzafatwa n’inzego z’umutekano atambaye agapfuka munwa, azatanga amafaranga ibihumbi bitanu by’amakongomani (5,000 Francs). – Theo Ngwabidje Kasi –

Guverineri yarangije ashimira buri wese watanze umwanya we kugira ngo aba barwayi bitabwe ho. Yanashimiye ubuyobozi bw’ibitaro bya Bwindi kuba barafashe iya mbere mu kwita kuri aba barwayi ndetse no kuba barashoboye kwigisha abaturage uburyo bwo kwirinda iyi ndwara ya COVID-19.

Tubibutse kandi yuko muri aba barwayi batatu bose bari barwaye iyi ndwara, bose batashe mu magogo yabo kandi bose ari bazima, nta numwe ukirwaye cangwe ngo abe agifite ibimenyetso by’iyi ndwara nkuko tubikesha n’ubuyobozi bw’ibitaro bya Bwindi.

 

LEAVE A REPLY

Please enter your comment!
Please enter your name here