FIZI, SOUTH KIVU: – Niposho, ku minsi 16/05/2020 mu muhana wa Mukolochi, gurupema ya Basimimbi, i Lulenge, muri segiteri ya Fizi, akarere kerekeza i Salamabila; haravugwa amakuru y’abantu batatu bishwe batwitswe n’abaturage bo muri uyu muhana babaziza icaha co kuroga umuyobozi w’ikanisa ribarizwa muri uyu muhana. Muri aba bantu bishwe barimo umugabo umwe n’abagore babiri.
Nkuko tubikesha umukuru w’ishirahamwe rivugira abaturage (société civile), Abedi Sumbya Abdoul, yavuze ko abaturage bo muri uyu muhana wa Mukolochi bazindukanye umujinya mwinshi, ubwo bazindutse batwika amazu y’aba bakekwa ho uburozi. Ibi ngo byateye aba baturage gufata icemezo co gutwika amazu y’aba bantu hakiri mu rukera, aho aba baturage bivugwa yuko bari bakiryamye maze abandi bakabatwikira mu mazu kugeza bavuye mo umwuka, bagapfa.
Nkuko uyu muyobozi abivuga, yabwiye urubuga http://www.imurenge.com ko abaturage baje gufata icemezo co kwica aba bantu nyuma yaho Pasteri Kakozi Sikatenda, murumuna wa général Sikatenda yishwe n’indwara itaramenyekanye. Yavuze yuko bivugwa ko aba baturage bakaba bavugwa yuko uyu Kakozi yishwe n’abo bantu, bamuroze; bityo ngo bikaba byarateye aba baturage umujinya bagahita mo gutwikira aba baturage mu mazu yabo.
Nkuko abandi baturage babwiye urubuga http://www.imurenge.com, batubwiye yuko aba bantu ko ari batatu bafashwe kuva ku munsi w’ejo, Nagatanu, barakubitwa, baratotezwa kugeza aho babakingiranye mu mazu yabo bakabatwika uyu munsi mu gitondo, Niposho, ku minsi 16/05/2020. Ibi ngo bikaba byateye ubwoba bamwe mu baturage batuye muri uyu muhana kuko ngo bazindutse babona amazu amwe ari kwaka umuriro mugihe abandi bakiciryamiye. Muri aya mazu yatwitswe rero hakaba arimo aba bantu baguye mo.
Tubibutse yuko nyuma yaho aba bantu biciwe, biravugwa yuko hari bamwe mu baturage bamaze gufatwa n’inzego zishinzwe umutekano, kugira ngo hakorwe iperereza ku mpamvu zatumye aba bantu bicwa. Muri aba bamaze gufatwa hakaba havugwa mo abasore batari bake, bavugwa kuba aribo batwitse aya mazu y’aba bantu batatu bakekwa ho icaha c’uburozi.
Inzego z’umutekano zikaba zavuze yuko ari ntaco bashobora gutangariza itangazamakuru mugihe iperereza ritarakorwa ngo bamenye icateye aba baturage kwica aba bantu.
