BIJOMBO, CONGO – Akarere ka Bijombo ni kamwe mu turere twari tugize iminsi itari mike tuvugwamo umutekano hagati y’amoko atandukanye ahatuye ugereranyije n’indi minsi yashize. None ku minsi 03/04/2018 amakuru atugeze ho mukanya avuga yuko izindi nka 11 kandi zongeye kunyagwa n’inyeshamba za Mai Mai zikorera mu Gikozi.
Biravugwa ko izi nka zanyazwe k’umugoroba w’ejo nakabiri ku minsi 03/04/2018 ahitwa mu Gikozi, aho izi nka zari zahutse munsi y’umuhana, aha ni muri gurupema ya Bijombo, térritoire ya Uvira. Umwe mu baturage ba Bijombo yabwiye www.imurenge.com ko batarabasha kumenya amazina ya nyir’inka ariko yemeza ko izi nka zanyazwe n’inyeshamba za mai mai, yagize ati:
Izi nyeshamba za mai mai zinjiye mu muhana wa Gikozi aho izi nka 11 zari ziragiye. Izi nyeshamba nta na kimwe zavuze ahubwo zahise zishorera izi nka 11 z’umwe mu baturage bo muri uyu muhana wa Gikozi. – Umuturage –
Nyuma yo kunyaga izi nka, mur’ukerera rwa none nagatatu hazindutse humvikana amasasu menshi ndetse avanze mo n’amabomba mu muhana wo mu Gikozi aho izi nka zanyazwe. Gusa ntituremenya neza impamvu aya masasu yazindutse yumvikana kuko twagerageje gushakisha bamwe mu baturage bo mu Gikozi ariko kugeza n’ubu ntiturabasha kubatora.
Biravugwa kandi ko bamwe mu ngabo za leta bagabye igitero ku nyeshamba za mai mai, zivugwa ko arizo zanyaze izi nka. Birakekwa kandi ko ariyo mpamvu amasasu menshi ndetse n’amabomba yazindutse yumvikana mu Gikozi none mugitondo.
Ubwo izi ngabo za leta zagabye iki gitero ku birindiro bya mai mai, izi inyeshamba biravugwa ko zahise zihunga zita ibintu zari zifite ari nabwo izi ngabo za leta zaje gusanga inka zitatu kera arizo zabazwe. Mubyo izi ngabo za FARDC zasanze harimo imitwe itatu y’inka izi nyeshamba zari zimaze kurya ariko ntibamenya irengero ry’izindi nka zisigaye.
Imurenge.com, turakomeza kubakurikiranira aya makuru hafi.
