LUANDA, ANGOLA – Ku minsi 27/10/2018 Ishami ry’umuryango w’abibumbye wita ku mpunzi, UNHCR, riratabariza umuryango mpuzamahanga ndetse n’abagira neza gufasha no kwita ku baturage barenga 300,000, bakomoka muri Repubulika Iharanira Demokarasi ya Congo birukanwe mugihugu ca Angola aho bari barahawe uburaro nyuma y’intambara zagiye zibera muri Congo.
Zimwe mumpamvu zaratumye leta ya Angola yirukana izi mpunzi ngo nuko zari zibaye ho muri iki gihugu mu buryo butemewe n’amategeko ndetse no muburyo buteye amakenga k’uburyo bw’umutekano nkuko tubikesha BBC Gahuza.
Nyuma yaho izi mpunzi zitangiye gusubizwa iwabo, ishirahamwe UNHCR rivuga yuko ngo hari bamwe muri izi mpunzi bishwe na bamwe munzego z’umutekano za Angola. Bivugwa yuko abantu batandatu muri izi mpunzi aribo byemezwa yuko aribo bishwe muri Angola.
UNHCR kandi ikaba ivuga yuko benshi muri izi mpunzi zidafite ibyo kurya, amazi, n’uburyo bwo kwivuza mugihe hitokeje indwara ndetse na bimwe mubikoresho by’isuku.
Nkuko tubikesha BBC, biravugwa yuko indi mpamvu yo kwirukanwa kw’izi mpunzi ngo nuko byahuriranye na gahunda nsha leta ya Angola ifite yo kuvuguruza zimwe munzego z’ubucukuzi bw’amabuye y’agaciro ndetse na za diyama. Biravugwa yuko umubare munini w’abakoraga munganda zimba amabuye y’agaciro wari uw’izi mpunzi z’Abanyekongo babaga muri iki gihugu ca Angola.
Izi mpunzi zakoraga imirimo itandukanye munganda irimo no gucukura za diyama mu buryo bwa gakondo nkuko iki kinyamakuru kibivuga.