Kuba itangazamakuru ry’ irwanda rifata Col Makanika nkuje kwifatanya n’abarwanya ubutegetsi ba Kigali byaba bifite ishingiro?

2
6

BUKAVU, SUD KIVU:- Hashize iminsi ishika ku mayinga abiri, abakurikiranira hafi ibibera m’uburasirazuba bga DR Congo batangiye kumva amakuru y’itoroka rya Col Rukunda Michel, wahawe akazina k’urugamba nka Makanika, mu gisirikare ca FARDC.

Ku masaha y’isaha zine z’ijoro zirenzeho iminuta mike (22h04), ku minsi 08/01/2020, nibgo ingabo z’igihugu, FARDC, zaje kwemeza aya makuru. K’urukuta rwabo rwa Twitter bagira bati” Igisirikare ca FARDC kiremeza itoroka rya Col Michel Rukunda, umukomanda wungirije muri Secteur ya gisirikare ikorera Walikale. Yaba yerekeje mu birindiro by’umutwe wa Gumino, k’urubgo arafatwa nk’umwanzi wa DR Congo.”

Iri toroka ryakiriwe ugutandukanye mw’itangazamakuru ryaba iry’imbere mu gihugu ndetse no hanze ya Dr Congo. Bamwe baribaza nimba yaba ari umugambi w’icikamwo rya Congo ( Balkanisation) wenda ugiye gushirwa mu bikorwa, abandi  basanga yaba yaratewe akababaro no kubona igisoda ca FARDC kitabasha kurangiza ikibazo kiri mu misozi miremire ya Minembwe bityo Makanika akaba agiye kwifatanya na benewabo maze bakarwanya imitwe mpuzamahanga ikomeje guteza umutekano muke mu karere akomokamo badasize n’ inyeshamba za Mai Mai. Itangazamakuru ry’ i rwanda ryo ribibona ugutandukanye n’abandi, bikomeje guteza urujijo ndetse n’impungenge ukuntu rikomeje gufata Makanika nk’umuntu ugiye kwifatantanya n’abarwanya leta y’urwanda.

Ntago ari Makanika wenyine umaze gutoroka igisoda ca FARDC kuva aho imirwano mu misozi miremire ya Minembwe itangiriye.

Major Twirinde Ndjwapa, war’uzwi mu gisoda ca FARDC nka Kazungu, akaba yarakoreraga muri Beni maze aza gutoroka igisoda mu ntango y’umwaka wa 2019 yerekeza muri Sud Kivu aho yaje kwifatanya na Mai Mai/Bilozebishambuke mbere yuko yitaba imana.  Amakuru ava mu gisoda akaba yemeza ko yakivuyemo amaze gukora amahano yo gutera umwana w’imyaka icumi n’ibiri inda (12). Uyu nyakwigendera akaba yaraguye mu Minembwe ku minsi 13/09/2019 ubgo Abarwanyi ba Mai Mai k’ubufatanye na Red Tabara bari bimirije gufata Minembwe.

Itoroka ry’aba basoda rije nyuma yaho intambara imaze iminsi ivugwa mu karere k’imisozi miremire ya Fizi, Uvira, ndetse na Mwenga. Iyi ntambara ikaba imaze guhitana ababarirwa mu majana, imihana ikabakaba 200 iratwikwa ndetse n’ inka zigera ku 125’000 ziranyagwa izindi ziricwa.

Abaturage bakomeje gushira mu majwi imitwe y’amahanga gufatikanya na Mai Mai ndetse na Bilozebishambuke maze bakibasira ubwoko bw’Abanyamulenge. Urundi ruhande narwo rukaba rwagiriza Abanyamulenge kwica abantu babo ndetse no kuboneshereza imirima.

Imitwe yitwara gisirikare yashizwe mu majwi cane n’abaturage ni Red Tabara, FNL, etc.  Imwe mur’iyo mitwe raporo y’impuguke za loni zivuga ko leta y’urwanda yatanze imyitozi kuribo, ibafasha m’uburyo bg’ibikoresho ndetse n’amafaranga, ibintu leta y’irwanda ihakana.

Kubera iki ibitangazamakuru by’irwanda byibasiye Col Makanika?

Ku munsi w’ejo, ku minsi 09/01/2020, ibitangazamakuru bikorera mukwaha kwa leta y’Urwanda byiriwe bitangaza inkuru y’itoroka rya Col Rukunda Michel. Bamwe bavuga ko yaba agiye kwifatikanya n’umutwe wa Gumino, umutwe ushinjwa gukorana n’abarwanya leta y’Urwanda, abandi nabo bakamufata nk’umuntu uje asimbuye nyakwigendera Semahurungure, uwari umurwanyi wa Gumino mbere yuko yitandukanya nayo maze aza kugwa k’urugamba ubwo local defense z’Abanyamulenge zizwi kw’izina rya Twirwaneho zari zihanganye n’ibitero bya Mai Mai mu Tulambo tarehe 08/09/2019.

Raporo y’impuguke za loni yasohotse ku minsi 31/08/2018 yashize mu majwi umutwe wa Gumino ndetse n’abaturage b’Abanyamulenge. Kw’ipaji ya cumi yiyo raporo, ivuga ko Abanyamulenge batuye mu nkengero z’ishamba rya Bijabo babanye neza n’abarwanyi ba P5(Impuzamashaka itavugarumwe na leta y’ i Rwanda) basanzwe bakorera mur’iryo shamba. Ibi birego byagiye bigaragara ko bidafite shinge na rugero.

M’uburasirazuba bg’igihugu ca DR Congo, honyina habarizwa imitwe yitwaje ibirwanisho irenga 100 nkuko imiryango mpuzamahanga igenda ibigaragaza. Kandi buri mutwe uba ufite igice c’igihugu ugenzura, mbese aho ingabo z’igihugu zitabasha kugera. Muri make umuturage utuye aho ntabundi bginyagamburiro aba afite usibye kuyoborwa n’umuhatse. Abakurikiranira hafi iby’iyi raporo y’inzobere za loni basanga nta bushishozi burimo, kuba wahera kur’iyo mibanire ugaragaza ko hari ubundi bushake bgo gushigikira abarwanyi mpuzamahanga.

Iyi raporo kandi ivuga ko Abarwanyi ba Gumino bari bibumbiye mu mabatayo (batallions) ane (4) kandi bakaba bakorana na P5. Ubyumvise neza usanga barashakaga kugaragaza ko igisoda cari kivanze. Ku minsi 02/10/2019, nibgo abarwanyi mirongo ibiri na batanu ba RNC(ishaka ritavuga rumwe na leta y’urwanda), bagejejwe imbere y’urukiko bga mbere nyuma yahoo bafatiwe mu mashamba ya congo, gusa hakurikijwe imyirondoro yabo byagaragaye ko nta numwe w’umunyecongo ubarimo, ndetse by’umwihariko nta muturage w’ i mulenge wari ubarimo.

Kudakorera mu nyungu za leta ya Kigali ntibyaba bifatwa nko kuyirwanya?

Ku minsi 27/09/2002, nibgo itsinda ry’Abanyamulenge riyobowe na Gen Pacifique Masunzu, ryari rimaze gushinga ibirindiro mu misozi miremire ya Fizi. Impamvu nyamukuru y’ uyu mutwe, kwari ukwitandukanya n’igisoda c’ Urwanda cane ko batishimiye na gato amakosa yagendaga akorwa n’ingabo z’urwanda ubgo zari muri Congo kuva 1996-2002.

Ibyo byaje gufatwa nka sakirilego maze Gen Masunzu agerekwaho ibyaha byo gukorana n’umutwe urwanya leta y’urwanda (FDLR), bidatinze abasoda ba RPA/RCD-Goma bagera ku 6000 boherejwe mu bihugu by’i Mulenge kugirango baje kurwanya Gen Masunzu n’umutwe ayoboye.

Kangwe ku minsi 26/03/2002, Mikenke nyuma y’amayinga nkabiri, ndetse na Tulambo ku minsi 04/05/2002, Igisoda c’urwanda carakubititse bidasubirwaho k’uburyo bahatakarije amagana y’abasoda ndetse n’abayobozi b’uburagamba.

Iki cemezo leta y’urwanda yari yafashe ntago caje kuyihira kugeza ubgo bacuye abasoda babo i Rwanda gusa biba inzigo ikomeye hagati y’ubutegetsi bwa Paul Kagame na bamwe mu Banyamulenge ariko nako itangazamakuru ndetse n’abategetsi b’i Rwanda bibasira Abanyamulenge bakabashinja gukorana n’abanzi babo.

Kanyanja, ku munsi 06/06/2012, muri Territoire ya Nyiragongo, nibwo umutwe wa M23 washinzwe, maze ushinga ibirindiro muri Bunagana, muri Territoire ya Rutshuru mu ntara ya Nord Kivu. Uyu mutwe witwara gisirikare wari ugizwe ahanini n’Abatutsi bo muri Nord Kivu, impamvu zabo za politiki zaje guhura n’ibizazane ubgo benewabo basangiye amateka bo muri Sud Kivu (Abanyamulenge) banze kuriyoboka. Abakurikiranira hafi ibya politiki yo muri kariya karere bagiye bagaragaza ko ahanini Abanyamulenge kwanga kwifatanya na m23 ari ukwanga kwongera kuba ibikoresho bya leta ya Kigali. Ibi byakomeje kuzambya umubano w’Abanyamulenge n’ ubuyobozi bga Kigali.

Col Rukunda Michel ari muri bamwe batangije uyu mutwe wa Gumino mu mwaka wa 2005, aba basoda bakaba barafashe gahunda yo kutava mu karere bakomokamo m’urwego rwo kuba hafi ababyeyi babo maze bakabarindira umutekano. Kuba rero kur’ubu yafashe gahunda yo kuba yawugarukamo (Umutwe wa Gumino) nyuma yaho akarere ababyeyi be babarizwamo kugarijwe n’ibitero by’imitwe yitwara gisirikare nta mpamvu ifatika yagatumye  igihugu icarico c’amahanga cashingiraho kimufata nkurangajwe imbere no kukirwanya.

Imibanire y’igihugu c’urwanda ndetse n’ibihugu bibanyi ntago yifashe neza muri rusange, mu majepfo babagiriza gushaka guhirika ubutegetsi bga Perezida Pierre Nkurunziza, iburasirazuba bushira amajarugu bakamagana ibikorwa bya leta y’urwanda birimo gushimuta impunzi zahunze ico gihugu ndetse no kubangamira ubusugire bg’Igihugu. Sabo bonyinje kubera ko n’ibindi bihugu usanga umubano wabo utamara kangahe nta gatotsi kawujemo. Abo bose niko leta y’Urwanda ibafata nk’umwanzi wabo.

Ababikurikiranira hafi batekerezako haribyo leta y’Urwanda ikwiriye gukosora muri politike yayo. Cane cane nko gufungura urubuga rwabo rwa politike maze ibihugu bibanyi ntibiryozwe kuba urwanda rudashoboye gushikirana n’abatavuga rumwe narwo.

 

2 COMMENTS

  1. Ntacyo tuzaba kuberako tumaze kumenya abotubana abaribo, Utaragize icyoyiga nahumuke yige amenye iyo tujya, birya sibyo bino things are changing…

LEAVE A REPLY

Please enter your comment!
Please enter your name here