Runingu: Inzira ihuza umuhana wa Runingu na Gatobwe irashobora kutazaboneka vuba bitewe n’imvura yayisenye bikabije.

0
15

UVIRA, SUD-KIVU:- Bitewe n’ibihe by’imvura ninshi ikomeje kuvugwa muri iyi minsi mu duce dutandukanye nka Tambarare na Runingu, biravugwa yuko inzira ihuza iyi mihana yombi yasenywe n’iyi mvura kuburyo abagenzi bamaze iminsi ine batabasha gukora ingendo muri iyo mihana.

Nkuko tubikesha abaturage batuye muri iyi mihana iherereye akarere ka Gatobwe, biravugwa yuko imvura ninshi yaguye mu mihana nka Namuziba, Kimba na Bulindwe. Aba baturage bakaba batubwiye yuko bahangayikishijwe n’ikibazo co kubura inzira kugira ngo bakore ingendo ndetse bageze ibyashara byabo muri iyi mihana begeranye kuko ngo iyi mvura yasenye inzira zihuza iyi mihana.

Aba baturage bakaba bavuga yuko cane bibasiwe n’ikibazo co kubura inzira bitewe nuko inzira zihuza iyi mihana zangiritse. Bavuga kandi yuko ari nta modoka n’imwe ishobora kuva mu muhana umwe ngo igere m’uwundi kuko ngo bimwe mu biraro byahuzaga iyi mihana byakunduwe n’iyi mvura. Aba baturage kandi bakaba bakomeje kuvuga yuko abari bagowe n’iki kibazo c’ibura ry’iyi nzira ari abaturage bo mu muhana wa Ndongo na Kilimba, mu gace ka Mangwa ndetse n’indi mihana mito ihegereye ariko ko izi nzira ziri gusanwa n’abaturage baho.

Nkuko tubikesha Kikege Nkulima, umwe mu baturage batuye muri aka karere, yavuze yuko bakimara kubona yuko iyi mvura yasenye inzira zija muri iyi mihana yo mukarere ka Gatobwe, bafashe icemezo co gusana izi nzira kugira ngo borohereze abaturage cane abacuruzi bava za Marungu na Kahololo bazanye ibidandazwa. Kikenge akaba avuga yuko iyi mihana yombi ariyo ikunze kuva mo abacuruzi badandaza ibintu bitandukanye kandi ko ubucuruzi ari bumwe mu buryo bwo kuzamura amajambere mukarere batuye mo.

Tubibutse yuko aba baturage bongeye gusaba amashirahamwe ndetse n’abagira neza kugira ngo babafashe mu gusana izi nzira kuko bo ari nta bikoresho bya kijambere bafite bishobora gusana izi nzira ngo zikomere; dore ko none iyi mvura igikomeje kwangiriza byinshi muri iki gihe.

Aba baturage bavuga yuko izi nzira zibafatiye runini kandi ko bifuza amajambere. Baramenyesha yuko gahunda yambere yo gusana izi nzira yabatwaye iminsi ine kandi ko bagikomeje kugira ngo bakomeze basane n’ahandi bose hoba barasenywe n’iyi mvura.

 

LEAVE A REPLY

Please enter your comment!
Please enter your name here