KINSHASA, CONGO – Hari hashize iminsi itari mike Tathy Bikamba, icegera ca Guverineri w’intara ya Equatteur aregwa ibyaha byo gufata ku nguvu abagore batandukanye. Niyinga niho yatawe mu gasho aho bivugwa ko yongeye gufata undi mukobwa w’imyaka 20 y’amavuka ku nguvu. Tathy imbere y’abacamanza ahakana ibyo aregwa nubwo yaciriwe kuja gufungira i Kinshasa, umurwa mukuru wa Repubulika Iharanira Demokrasi ya Congo.
Tathy yatangiye gushakishwa n’abashinzwe kurinda umutekano (Police) kuva niyinga ku munsi 01/04/2018 nkuko Rossy Bolekwa yabwiye abanditsi n’abanyamakuru. Tathy aregwa icaha bise viol et harcèlement sexuel (gufata ku ngufu no gusambanya umukobwa w’imyaka 20 y’amavuka).
Tathy yatawe mu gasho kuva niyinga agitangira gushakishwa na Police aho uwo mwana w’umukobwa yamureze avuga ko Tathy yamufashe ku ngufu nyuma yo kumuha ibiyobyabwenge kugira ngo amukorere ayo mahano.
Nkuko byakomeje kuvugwa n’ibinyamakuru bitandukanye, ababyeyi b’uyu mwana bavuze ko Tathy aba yarafashwe kuva niposho ku minsi 31/03/2018 nyuma yo gukora aya mahano ariko ngo hari bamwe mu bayobozi bashinzwe kurinda umutekano bashatse gupfubya iki kirego aho bashatse kucubikira kugira ngo uyu muyobozi adafatwa.
Ibi biri mubyo bise guhishira kuko ngo bamwe mu bayobozi bashatse gutanga amafaranga ku babyeyi b’uyu mwana kugira ngo bitaza kumenyekana.
Mbere yuko uyu mukobwa afatwa ku ngufu, Tathy yatumiye uyu mukobwa yigeze no kubera mwarimu kuri Institut Pedagogic del’Equatteur kumusanga kuri hotel; aha ni naho yamufatiye ku nguvu nyuma yo kumuha ibinini byo kumusinziriza.
Nyuma yo gukora aya mahano, Tathy yahamagaye muganga kugira ngo aze kumupima ari nabwo uyu muganga yaje gusanga uyu mukobwa yahawe ibinini byamurushije imbaraga akanafatwa ku nguvu.
Nyuma y’umunsi umwe gusa nibwo ababyeyi bajanye iki kirego m’urukiko aho Tathy yahise ashakishwa akaza no gufatwa na Police y’igihugu.
Nyuma y’ifatwa rya Tathy, Imbambo Engulu, umuburanira ahakana ibyo birego aho yagize ati:
Uburyo bw’itabwa mu gasho rye ntibwumvikana kandi ntibyakurikijwe n’amategeko. Twanagerageje kureba ko banamufungira mu rugo kubera umwanya afite, ntibyakunda. Ku bijyanye n’ibyo aregwa, ntabyo azi. Araburana ahakana ibyaha. – Imbambo Engulu –
Imbambo Engulu yakomeje kuvuga ko uburyo Tathy yafashwe butumvikana kandi bisa nkaho yarenganye. Imbambo we avuga ko Tathy arengana kandi ahubwo bisa nkaho yaguririwe n’abadashaka ko aguma mu kazi ke. Yagize ati: “Ibi ntibyakurikije amategeko agenga gufungwa no gufungurwa k’umuntu muri Congo.
Bikaba biteganijwe ko Tathy azagezwa imbere y’ubutungane mu minsi mike i Kinshasa aho byavuzwe ko ariho azaja kuburanishwa kubw’iki caha aregwa. Biramutse atsinzwe, Tathy azakomeza gufungirwa i Kinshasa kugeza imyaka bamuciriye irangiye.