RDCONGO, SUD-KIVU – Amakuru atugeraho aremeza ko ingabo za leta ya Congo (FARDC) zibarizwa mu kibaya ca Rusizi (Plaine ya Rusizi) zaraye zishe umuyobozi mukuru w’inyeshamba za Mai Mai uzwi ku izina rya Kara Kara.
Uyu murwanyi wari uyoboye izi nyeshamba za mai mai zibarizwa muri aka karere bivugwa ko yari yaragoranye gufatwa n’ingabo za leta ya congo inshuro zitandukanye, dore ko yatezaga abaturage umutekano mukeya wo guhorana ubwoba buhoraho. Biravugwa ko akenshi izi nyeshamba zategeraga abagenzi mu nzira igana Bukavu na Uvira bityo aba baturage bakaba bari baratewe impungenge n’uyu murwanyi wari uyoboye aka gatsiko ka mai mai.
Amakuru agera kuri Imurenge.com, aremezako uyu Kara Kara yishwe mu ijo ry’akeye ndetse apfana n’abamwe mu basirikare be bamurindiraga umutekano we bagera kuri 2.
Amakuru dukesha ingabo za leta muri aka karere ka Rusizi aremezako umugore wa Kara Kara nawe ubu ari mu maboko y’ingabo za leta. Abarurage bahatuye bakaba bavugako urupfu rwa Kara Kara rushobora gutuma aka karere gakira nyuma y’igihe kirekire bategereje amahoro.
