MINEMBWE, CONGO – Umwe mu baturage bo mu Minembwe aramaganira kure amabi akomeje kugaragara murugo rwe aho avuga yuko akomeje guterwa n’abantu bataramenyekana, bagatema urwuri rw’inka mu masaha y’ijoro.
Mahoro Kanonko, avuga yuko bubaye ubugira kabiri aho abyuka agasanga urwuri rwe rwatemwe n’abantu atazi kandi afite impungenge yuko bashobora no kuzamutemera inka ze ndetse nawe bakamugirira nabi. Tumubajije ko hoba hari uwo akeka ko ashobora kuba yokora ibi bintu, Mahoro avuga yuko ari nta muntu numwe ashobora gukekera kuko ari ntawe bafitanye amatiku.
Mahoro kandi akaba avuga yuko kera yamaze gushitsa iki kirego ku bashinzwe kurinda umutekano w’abaturage kugira ngo hakorwe iperereza bikiri mu maguru masha, dore ko we avuga yuko aba bakora ibi bashobora no kumugirira nabi ariko yifuza yuko bafatwa cangwe bagahagarika ibi bikorwa bidafite isuku nkuko abyivugira.