NETHERLANDS – Ku minsi 29/08/2018 nibwo Bosco Ntaganda yongeye kwitaba urukiko mpuzamahanga mpanabyaha rw’i La Haye mu Buholande nyuma yaho yari yabwiwe kongera kwitaba ubucamanza. Mubwo Bosco Ntaganda aregwa harimo ibyaha 13 by’ubwicanyi bwo muntambara; nyuma y’ibi byaha 13 aregwa hari ibindi bitandatu byo guhohotera ikiremwa muntu.
Ibi byaha byose aregwa bivugwa yuko uru rukiko rwamushize ho ibi birego kuva hagati y’umwaka w’i 2002 n’umwaka w’2003. Ibi byaha aregwa bivugwa yuko byose yabikoreye muntara ya Ituri nkuko byavuzwe n’umwe mu bacamanza bamuregwa kuba yarakoze ibi byaha.
Nyuma yo kuregwa ibi byaha, Bosco Ntaganda yakomeje agakana avuga yuko we yaharaniye amaho ku baturage ndetse azanakomeza guharanira amahoro yabo.
Nkuko tubikesha ikinyamakuru The Grardian, bivugwa yuko Ntaganda wiswe izina “Terminator” (Kirimbuzi) ahakana ibi byaha byose aregwa n’uru rukiko ahubwo we akomeje kwemeza yuko yaharaniye amahoro kuri buri wese utuye muri Republika Iharanira Demokrasi ya Congo ndetse n’undi wese wifuza amahoro waje amugana.
Tubibutse yuko mu mwaka w’i 2006 aribwo urukiko mpuzamahanga mpanabyaha rw’i La Haye ICC twatanze itangazo ku isi hose ko rwifuza gufata Bosco Ntaganda wari ukuriye umutwe w’inyeshamba, (Congrès National pour la Défense du Peuple, or CNDP) zabarizwa ga muri Kivu y’amaja ruguru. Nyuma yaho akoranye n’umutwe wa CNDP wari uyobowe na Laurent Nkunda Bosco Ntaganda yaje kubarizwa mu wundi mutwe waje kwitwa M23 (March 23 Movement), mu mwaka w’i 2012 ari nabwo yaje gutangira gutungwa agatoki n’uru rukiko rw’i Lahaye (ICC) aho byavugwaga ko ariwe uyoboye urugamba kandi akanahohotera ikiremwa muntu.
Ubwo yagejejwe imbere y’ukuriye uru rukiko mpuzamahanga, Fatou Bensouda yabwiye Ntaganda uregwa ibi byaha ko ibi byaha aregwa bitari bitandukanye ahubwo byari ibikorwa byateguwe ndetse bikanashirwa mu bikorwa n’uyu mutwe wa M23 Ntaganda yari ayoboye. Ibi bikorwa bigayitse bikaba bivugwa ko byakorewe abaturage ba Lendu na Ngiti bo mubwoko bw’Abahema.
Akimara kuregwa ibi, uburanira Ntaganda, Stephane Bourgon yavuze yuko bidakwiye ko uwo aburanira yitwa amazina atari aye, dore ko yiswe “Kirimbuzi”, ahubwo yakomeje ashimangira yuko Ntaganda yari umunya politike ugamije kuvuganira ubwoko ndetse n’abanya gihugu bose muri rusange. Yagize ati: Uyu mutwe wari umuryango kuri we, umuryango ntusigura ngo abana n’umugore ahubwo ni imirimo muba musangiye n’abo mukorana.
Tubibutse ko Bosco Ntaganda uregwa ibi byaha abiregwa kuko yari akuriye umutwe, Forces Patriotiques pour la Libération du Congo (FPLC), umutwe wari ufite intego yo kwibohora no kwirenganura ku butegetsi bwa Congo nkuko bivugwa n’uburanira Ntaganda. Nubwo Ntaganda aregwa ibi byose, bamwe mu bandi bacamanza baranenga ibi birego ngo kuko ubucamanza butakoze kuri bimwe mu byaha Ntaganda yakoze nyuma yo kuba m’umutwe wa M23 kuko ari nabwo ari nabwo yaje kwishikiriza ubutungane avuye muri uyu mutwe waje kurangira mu mwaka w’i 2013.
Biranavugwa kandi ko Bosco Ntaganda yahawe igifungo cy’imyaka 30 azira ibi byaha aregwa. Ntaganda we avuga yuko mubyo aregwa nta gihamya gihari kigaragaza ibyo yakoze kuko ari nayo mpamvu yatumye yishikiriza ubutabera kugira ngo akurikirane ibyaha ashinjwa na ICC. Yagize ati:
Ibyukuri numvise nshaka kwishikiriza ubutabera kugira ngo nkurikirane ibyaha naregwaga kuko nabonye ari akarengane, bityo mbona ko ngomba wkishikiriza ubutabera kugira ngo mburane amaso ku maso kuko ndi umwere.
Tubibutse kandi ko uyu munsi nakane ku minsi 29/08/2018 aribwo Bosco ntagando yongeye kwitaba urukiko mpuzamahanga mpanabyaha rw’i Lahaye aho afungiye kugira ngo abeshuze ibyaha aregwa. Nubwo yakomeje kwisigura, Uru rubanza rukaba rwasubitswe kugira ngo bazakomeze kwegeranya ibimenyetso bigaragaza ibyaha aregwa.