Imtambara irushaho gufata indi sura mu nkengero z’akarere ka Minembwe

1
3

MADEGU, SUD-KIVU – Kur’uyu munsi w’AKazirimwe, iminsi 13/05/2019 hazindutse humvikana ibitero by’inyeshamba za Mai Mai mu nkengero z’akarere ka Minembwe. Ibi bikaba bije mur’uruherekane rw’imirwano imaze iminsi yumvikane mu karere k’imisozi miremire y’Itombwe hagati y’inyeshamaba za Mai Mai n’ingabo za Gumino.

Ibi bitero bikaba byatangiye mur’iki gitondo, aho bivugwa yuko  imihana yo mu Karingi yatwitswe n’izi nyeshamba za Mai Mai ndetse n’Abanyamulenge nabo batwika imihana y’Abafulero n’Abanyintu yo muri ako karere. Gusa iki gitero caje gusubizwa inyuma n’Abanyamulenege maze izo nyeshamba zihungira muri Mukoko.

Kugicamunsi ca none kandi ikindi gitero caje kwibasira imuhana ya Kabingo bakunze kwita kwa Gasare, mu Biziba, no mu Nkango, kuri CELPA, akaba ari naho imirwano yari ikirimo ibera.

Amakuru atugeraho nuko ingabo za FARDC kur’ubu zageze aho imirwano irimo ibera, zikaba zatangiye akazi ko guhosha iyo mirwano, zikaba ziyobowe na Col Muco.

Kur’ubu impunzi zitabarika zimaze kugera mu Madegu, izi akaba ari impunzi zikomoka mu moko atandukanye atuye muri kano karere. Andi makuru tutaramenya neza n’ay’abaturage bo mu Mibunda, kuri ubu ntituramye amakuru yabo uko byifashe.

Ibyo twabashije kumenya nuko inka zo mu Karingi zanyazwe n’izi nyeshamba, naho imihana yahiye ku mpande zombi (Abanyamulenge, Abanyintu ndetse n’Abapfulero) yo ntago ibarika. Gusa kugeza ubu imibare y’aboba baguye mur’iyo mirwano ntiramenyekana.

Amakuru atugeraho kandi nuko inyeshamba za Mai Mai zifatanyije n’abarwanyi bakomoka mugihugu c’Uburundi, naho kurundi ruhande rwa Gumino bakaba bafatikanyije n’insoresore z’Abanyamulenge zibumbiye muco bise Twirwaneho, k’uburyo mu bigaragara wavuga ko ari intambara z’amoko.

Gusa igikomeje gutera abantu urujijo nuko abaturage b’amoko yose bitababuza guhungira hamwe mugihe c’imirwano, ikintu kigaragaraza ko ntakibazo gikomeye umuturage afitanye n’undi.

Biravugwa yuko icatangije iyi ntambara ari urupfu rw’umu chef w’Abanyintu uzwi kw’izina rya Kawaza Nyakwana, uvugwa kuba yarakubiswe n’inyeshamba za Gumino kugeza yitabye imana; izi ngabo biravugwa yuko zamujijije kuba yarishe umwe mu baturage b’Abanyamulenge. Nubwo ibi bishirwa mu majwi, ntawemeza neza ko iyi iriyo ishobora kuba impamvu yatumye iyi ntambara ivuka.

Ubusanzwe aya moko atuye muri kano karere yarasanzwe afite amakimbirane aho usanga intambara zigenda zivuka uko bukeye nuko bwije. Ibi bituma aya moko y’Abanyintu n’Abapfulero barwana n’Abanyamulenge kugeza naho bamwe batwika imihana yandi mako.

 

 

 

 

Muri

1 COMMENT

LEAVE A REPLY

Please enter your comment!
Please enter your name here