Colonel Simeon arahumuriza abaturage ba Minembwe no mu nkengero zaho.

0
29

MINEMBWE, SUD-KIVU – Ku minsi 15/05/2019 nibwo uhagarariye ingabo za FARDC, Col Simeon yatanza ihumure ku baturage bose bo mu Minembwe ndetse n’indi mihana ihakikije. Ibi bikaba byatangajwe n’umwe mu basoda bakuru b’ingabo za FARDC mu karere k’imisozi miremire ubgo yaganira n’umunyamakuru wacu ukorera mu Minembwe.

Hari n’Akabiri ku minsi 14/05/2019, nyuma yaho habaye imirwano ikomeye hagati y’inyeshamba za maï maï n’ingabo za Twirwaneho y’Abanyamurenge mu mihana itandukanye nka Biziba, Gakangara, Kivumu ndetse n’ahandi. Iyi mirwano yabereye no muyindi mihana itarimike kugeza naho iyi mihana itari mike yatwitswe ku mpande zombi. Nyuma yaho imirwano yaje gukomerera ubutabazi buturutse mu ngabo za FARDC bgaje kugera aho imirwano yaberaga maze bakumira ibitero byashaka kwinjira muri Minembwe.

Mu mugoroba wo kur’uyu munsi w’Agatatu, indege zibiri za leta (FARDC) ziriwe zikora patururi (patrouille). Izi ndege zikaba zagagaragaye mu kirere ca Minembwe. Izindi ndege zibiri zabashije kwitura ku kiwanja ca Kiziba, zikaba zari zizanye abandi basirikare kugirango bakumire ibitero by’izi nyeshamba Mai Mai ndetse n’inyeshamba zikomoka mugihugu c’Uburundi.

Col Simeon, uhagarariye ingabo za FARDC ziri muri aka karere, arahumuriza abaturage ndetse anabasaba gutekana bakaguma mu byabo.

Yagize ati:

Ubu twamaze guhabwa uburenganzira kuva mu m’ubuyobozi bukuru bwa FARDC bgo kurasa izi nyeshamba za maï maï ndetse n’undi wese ushaka kubangamira umutekano w’abaturage. – Col Simeon –

Tubibutse yuko uyu munsi w’Agatatu kandi aribwo hari hategerejwe intumwa z’ubuyobozi mu nzego za leta ndetse n’iza gisirikare kuva i Bukavu ariko zikaba zitahageze ku mpamvu y’imvura nyinshi yaguye maze inzira y’ikirere irahindana nkuko twabitangarijwe na Burugumesiteri wa komine ya Minembwe, bwana Gad Mukiza Nzabinesha.

Ibimaze kwangirika mur’izi ntambara ni byinshi, harimo amazu yatwitswe ku mpande zombi, impunzi ninshi kuva mu moko yose zahungiye mu Minembwe hagati. Abandi baturage bahungiye mu bihuru. Abamaze kuhasiga ubuzima ntibaramenyekana gusa biravugwa ko impande zombi zatakaje abatari bake.

Mubyukuri icihe inyuma yizi ntambara ntiziramenyekana gusa ikizwi nuko izi nyeshamba za Mai Mai ziri gufashwa n’inyeshamba zitwaje ibirwanisho zikomoka mu Burundi; izi nyeshamba zikaba zaragaragaye ziri kuruhande rwa Mai Mai, bikaba biteye abaturage impungenge.

Ikindi gihangayikishije abaturage cane n’ukwishira hamwe kw’amoko atandukanye kugirango barwanye Abanyamulenge. Si ikintu gisha mu mateka y’akarere k’imisozi miremire, ahubwo n’ikintu kigaragaza ko inzira y’ubumwe n’ubgiyunge ikiri hasi cane.

Hagati aho abayobozi b’imiryango idaharanira inyungu za leta (société civile) baratabariza banasaba ubufasha kuva hirya no hino kugira ngo impunzi ziri mu Minembwe zibone ico kurya ndetse no kunywa. Aya sosiyete aravuga yuko izi mpunzi zababanye ninshi kuburyo bakeneye imbaraga za leta kugirango abaturage bari muri aka kaga babone ubutabazi bg’ibanze.

 

LEAVE A REPLY

Please enter your comment!
Please enter your name here