Iposita nkuru ya Minembwe ihangayikishijwe n’abaturage bahunze intambara za moko mu Bijombo…

MINEMBWE, SUD-KIVU – Ubutegetsi bwa leta bukorera mu Minembwe  (Poste d’Encadrement Administratif de Minembwe) bumaze kubarura impunzi zigera kuri 641 zahunze intambara y’amoko yo mu karere k’Indondo (Bijombo.)

Amakuru atangazwa n’ibiro by’iposita nkuru ya Minembwe, avugako muri izi mpunzi zose zabaruwe harimo 109 zamaze kubungira mu Minembwe zidateze gusubira iwabo aho baje bahunze.

Nk’uko umunyamabanga w’iposita nkuru ya Minembwe, Kulimba Vainqueur yatangarije itanagzamakuru rikorera hariya, yavuzeko zimwe mu mpamvu nyamamuru y’ibarura ry’izi mpunzi ari ukugirango zihabwe ubufasha bujanye n’imibereho ndetse n’ubuzima bwazo.

Kugeza ubu, impunzi nyinshi zamaze kubarurwa na Monusco yavuze ko izatanga imfashanyo zitandukanye.

Tubibutseko benshi muri zino mpunzi  zibarizwa mu miryango y’inshuti yazakiriye.

Izi mpunzi zivugako zifite ubwoba bwo gusubira iwabo ngo kuberako amahoro yaka karere ka Bijombo ari kure cane.