Minembwe: Umupolisi yarashe umusore w’imyaka 22 y’amavuka, arapfa…

0
66

MINEMBWE, SUD-KIVU – Kibongi Freddy, umusore w’imwaka 22 y’amavuka yarashwe  n’umupolisi mw’ijoro rya n’Iposho buca ari n’Iyinga ku minsi 20/04/2019. Uyu mupolisi wishe uyu musore akaba yitwa Erick, akaba atarafatwa n’inzego z’umutekano.

Ubu bwicanyi bwabaye mugihe isi yose muri rusange yizihizaga urupfu rwa Yesu Kristu, ariko Freddy we akaba atariko byamugendekeye kuko yahise asezera izi, nyuma yo kuraswa n’uyu mupolisi. Kibongi Freddy warashwe akaba yari umusore w’i Gakenke, yari umuhungu wa Rushema.

Tubibutse yuko Freddy yarashwe yari yajanye na bagenzi be kumakutano ahitwa i Gakangara, mu Minembwe. Nkuko byari bisanzwe mu Minembwe bajya mugitaramo cya nijoro aho baja gusenga.

Biravugwa kandi yuko uyu mupolisi yari mukazi ko kurindira abaturage bari muri aya makutano ya pasaka. Uko byagenze ngo uyu mupolisi yasabye Kibongi telephone yiwe  yarafite ngo arebe ibyari birimo. Kibongi yaje guha uyu mupolisi iyi telephone aho uyu mupolisi yahise asohoka, mu mwanya muto  Kibongi abonye ko uyu mupolisi yatindanye telephone yiwe yahise amusanga inyuma y’ikanisa aho yari ahagaze; Kibongi yasabye uyu mupolisi telephone yiwe ariko ngo uyu mupolisi amusaba kuyimugurishiriza. Uwo mwanya Kibongi yahise ahakana avuga yuko atayigurisha.

Nyuma yo kumusanga hanze y’ikanisa abari hafi aho bavuga yuko Kibongi yatunze uyu mupolisi itoroshi ari nabyo byatumye uyu mupolisi arakara avuga yuko yasuzuguwe n’umusevile (umuturage) kandi yamutunze itoroshi. Uyu mupolisi yabwiye Kibongi na mugenzi we bari kumwe ngo ntihagire umwegera; aha ngo kera uyu mupolisi yari yamaze gupfukama yanabatunze ho imbunda. Mugihe birutse bahunga uyu mupolisi yahise arasa nyiri telephone, Kibongi Freddy ahita agwa aho.

Tukimenya aya makuru Imurenge News Agency twaganiriye na Rwinikiza Rugayirwa, mukuru wa nyakwigendera aho yatubwiye ko kugeza ubu uwo mupolisi ataraboneka kuko ngo yahise acika (aratoroka); ubu ngo umuryango wa nyakwigendera ntaco uraganira n’inzego za leta kubijanye n’urupfu rw’umuntu wabo.

Twashatse kumenya icyo ubuyobozi bw’igipolisi mu Minembwe buvuga kuri ubu bwicanyi maze twigera Major Lumona François, ukuriye polisi yo mu Minembwe avugako ari ntajambo afite ryo kuvuga. Uyu muyobozi ntiyadusobanuriye impamvu atashatse kugira ico atangaza.

 

LEAVE A REPLY

Please enter your comment!
Please enter your name here