KAMPALA, UGANDA – Ku mazina ye nyakuri, Robert Kyagulanyi Ssentamu uzwi nka Bobi Wine, akaba ari n’umuririmbyi ukomeye mu gihugu ca Uganda, yitabaje abanyamategeko mpuzamahanga nyuma yo kuregwa ibyaha byo guteza umutekano muke mu gihugu ca Uganda. Bamwe mu banyamategeko Bobi Wine yiyambaje harimo abakomoka muri Leta Zunze Ubumwe za Amerika kugira ngo bamufashe kuburana urubanza aregwamo na leta ya Museveni.
Bobi Wine mu iyinga rishize nibwo yafunzwe azira gukangurira abayoboke be gukora imyigaragambyo mu gihugu mu kurwanya leta ya Yoheri Museveni uri k’ubutegetsi. Ibi bikaba ari nazimwe mu mpamvu Bobi Wine aregwa na leta kuba yaciye nyuma y’itegeko aho kuzana amahoro we akangurira abaturage kwamagana ubutegetsi.
Nyuma yo gufungwa mu iyinga rishize, hagaragaye amashusho yerekana Bobi Wine yakubiswe bunyamanswa ari nabyo byatumye bamwe mu bayoboke be bamaganira kuri toteza, bakaba bavuga yuko leta ya Museveni ikandamiza ndetse igakorera amabi abatavuga rumwe nayo.
Tubibutse yuko Bobi Wine yatawe muri yombi ku minsi 14/08/2018 azira kutubahiriza itegeko ry’igihugu no kuba ariwe ubuza umutekano mu gihugu.
Umwe mu banyamategeko biyambajwe na Bobi Wine avuga ko ibyo Bobi Wine yakorewe ari ibikorwa bya kinyamanswa kandi bidakwiriye gukorerwa ikiremwa muntu. Yagize ati:“Nikuki n’inzego z’umutekano zikorera umuturage ibikorwa byo gutoteza nk’ibi?”
Ejo bundi nagatatu nibwo Jacob L’Okori Oulanyah, ushinzwe Ishinga Amategeko muri Uganda, yasuye Bobi Wine kuri gereza nkuru ya gisirikare ya Makindye. Bobi Wine afungiwe hamwe n’undi mudepite, Francis Zaake, nawe uzira kuba ari inyuma ya Bobi Wine kandi ashigikira ibi bikorwa Bobi Wine akora.
Biravugwa kandi ko Bobi Wine ashinjwa kuba yaragize uruhare mu kumena ibirahuri by’imodoka ya Perezida Museveni. Nyuma yaho umushoferi watwaraga imodoka ya Bobi Wine yarashwe n’abantu batabashije kumenyekana agapfa. Bobi avuga ko abamurashe bakekaga ko ari we bishe.