HOUSTON, AMERIKA – Ku minsi 18/12/2017 umusore ukomoka muri Iraq yaciriwe imyaka 16 azira gushaka guturitsa ibisasu bibiri mw’isoko nkuru muri Hoston, Texas (Houston malls). Uyu musore aregwa gukorana n’umutwe w’ibyihebe by’abarabu, ISIS.
Omar Faraj Saeed Al Hardan yaciriwe igifungo n’urukiko rukuru rwo muri Houston. Mukwezi kwicumi nibwo yemeye ko yashatse guturitsa ibi bisasu mw’isoko zibiri nkuru. Nyuma kandi nibwo yaje kwemera ko akorana n’umutwe wa ISIS.
Ibiro bikuru bishinzwe iperereza muri Amerika, FBI byabwiye abanditsi n’abanyamakuru ko Al Hardan wenyine yemeye kuba yari yateguye guturitsa abantu barema muri izi soko zombi akoresheje telefone ngendanwa aho yari kuyikoresha kugira ngo atege ibi bisasu byombi.
Al Hardan w’imyaka 25 y’amavuka yageze muri Houston ava muri Iraq mumwaka wa 2009. Yafashwe na leta ya Amerika azira gushaka guturitsa ibisasu mukwezi kwa mbere 2016. Mbere yuko aza muri Amerika, Al Harden yigeze kuba munkambi zibiri z’impunzi: Inkambi yo muri Jordan n’indi yo muri Iraq. Nyuma yaho nibwo yaje kwemerwa na Amerika. Yabonye bimwe mu byangombwa bya Amerika (Green Card) mu mwaka wa 2011.
Umucamanza mukuru, Lynn Hughes, niwe waciriye Al Hardan a igifungo c’amezi 192 nyuma yo kwemere ko yari ashatse guturitsa ibi bisasu. Nyuma y’iki gifungo, Al Hardan azacungishwa ijisho kugeza apfuye nkuko byemeje n’umucamanza mukuru, Lynn Hudges.