UVIRA,SUD-KIVU – Sosiyete sivile ya Uvira, irahamagarira abaturage ba Fizi na Uvira kwitabira urugendo rw’amahoro ruzaba ku munsi wejo wakane ,5/7/2018,mu rwego rwo kwamagana umutekano mukeya ubarizwa muri gurupema ya Bijombo.
Ibi bikaba bikubiye mw’itangazo rigera kuri Imurenge.com, ryashizweho umukono na bwana Claude Misare Mugomberwa,umuhuzabikorwa wa sosiyete sivile mu rwego rw’intara ya Kivu yamajepfo, ngo uru rugendo ruzatangira kw’isaha ya satatu z’igitondo ,ruzahera ku kiraro ca Mulongwe rukomereze kw’ibarabara ry’Umwami berekeza ku biro bikuru by’umuyobozi wa teritware ya Uvira.
Abaturage benshi bakomeje guhunga bava muri gurupema ya Bijombo, bahunga intambara hagati y’imitwe yitwaje ibirwanisho ndetse n’intamara zishingiye ku moko.
Nk’uko urubyiruko rw’abanyamadini rubitangaza, ngo iyi mirwano iriguhuza abarwanyi bababembe,abapfurero n’abanyintu, bishize hamwe mu cyo bita Mai Mai kugirango bahangane n’urubyiruko rwabanyamulenge rwishize hamwe bakaba barwanira ku ruhande rwa GUMINO yiganjemo abanyamulenge.
Umuryango uharanira uburenganzira bw’ikiremwa muntu, uvugako mu mayinga 3 ashize ,abantu benshi batakaje ubuzima bwabo murino mirwano.
Hagataho, imiryango yita ku kiremwa muntu muri kano gace ,irashinja ubuyobozi bw’igihugu ndetse nubwo ku rwego rw’intara ,kuba nta bushake bagira mu kurangiza ikibazo ca Bijombo kandi bakizi.
Iyi ntambara nikomeza gutya irashobora kugera vuba muri Fizi na Uvira.