Abatwara za moto mu Minembwe bahagaritse utuzi twabo bamagana ifungwa ry’umuyobozi wabo…

0
11

MINEMBWE, CONGO – Ejo nagatanu ku minsi 20/07/2018 abasanzwe bakora akazi ko gutwara za moto mu Minembwe bahagaritse akazi kabo ku munsi bari basanzwe baronka abagenzi benshi bitewe n’ifungwa ry’umwe mu bayobozi babo.

Aha ni nyuma yo guhagarika akazi kabo…

Ubwo twaganiraga nabo batubwiye ico bifuza kandi banasaba leta aru gufungura umuyobozi wabo, Mudagiri Muhembuzi, kuko ngo ibyo aregwa bidafite ishingiro kandi ari ibinyoma.

Tubibutse yuko Mudagiri Muhembuzi yafunzwe na polisi yo mu Minembwe nakane nimugoroba, bamuzizako yoba yaragiye kuvugira umwe mu bayoboke be batwara za moto mugihe yari yagonze umwana muto mu Madegu hagati. Gusa aba batwara za moto bo baravugako umuyobozi arengana kuko yafunzwe hadakurikijwe amategeko kuko ngo uyu mwana wagonzwe yamujanywe kubitaro bya Materdei kandi binavugwa ko yavuwe ndetse agataha ari muzima; amafaranga y’ubuvuzi yatanzwe ni amafaranga y’amakongomani ibihumbi bitatu (3,000fc).

Bose bahuriye hamwe basaba ko umuyobozi wabo arekurwa…

Kugeza nubu, Police yo ivugako Mudagiri yoba yaratutse abayobozi mugihe yazaga kuvugira uyu muyoboke we, Achiza, wakoze impanuka.

Muri uku guhagarika akazi kabo, aba batwara za moto bose bahuriye kukibuga cya Materdei maze basangizanya ijambo rivuga riti: “ntihagire umumotari watsa moto ye mugihe Perezida wacu Mudagiri adafunguwe”. Nyuma y’uku guhura bose baje gukora urugendo bagera kw’iposta nkuru ya Minembwe bahavuye baja kuri Monusco maze berekeza kubiro bya polisi aho umuyobozi wabo afungiwe. Ibi bikaba byatumye abamenyereye kugendera kuri za moto bagenda n’ibirenge aho bari basanzwe bamenyereye gufata moto baja kwisoko nkuru yo mu Minembwe ya nagatanu.

Twabamenyeshe kandi ko mu masaha make ashize, none niposho ku minsi 21/07/2018, aribwo andi makuru yatugeze ho avuga ko uyu muyobozi w’abatwara za moto, Mudagiri Muhembuzi, yafunguwe nyuma yaho aba batwara za moto batakiye ubuyobozi bw’inzego z’umutekano.

 

LEAVE A REPLY

Please enter your comment!
Please enter your name here