MINEMBWE, SUD-KIVU – Mu ijoro ry’Agatatu ku minsi 27/03/2019 bucya ari n’Akane twakiriye amakuru avuga yuko bamwe mu ba polisi bakorera mu Minembwe bikuye mukazi kabo batamenyesheje ubuyobozi bari basanzwe bakorera. Tukimara kumva aya makuru, Imurenge.com twageragejye kwegera bamwe mu bayobozi bahagarariye polisi muri kano karere tubabaza ku bijanye n’aya makuru.
Nyuma yo kwegera Major Muyoboke Erick, uhagarariye police mu Minembwe yatubwiye yuko Etungano Mbelechi, wari umwanditsi mukuru wa polisi ndetse na mugenzi we Tubareke Pandisa James wari ushinzwe kwakira ibirego muri district ya Minembwe “S2” bataye imirimo yabo bari basanzwe bakora. Majoro Muyoboke nanone yatubwiye yuko ataramenya neza icihishe inyuma yo guta imirimo kw’aba bakozi ba polisi.
Major Muyoboke kandi yakomeje avuga yuko hari inshuti zaba bombi zavuze yuko aba bombi basezeye utuzi twabo kubera impamvu z’umutekano wabo. Biravugwa kandi yuko aba bagabo bombi baherutse guhura n’umuntu witwajye ibunda mw’ijoro ry’Iyinga, ahari ku minsi 24/03/2019 ariko kugeza na nubu hataramenyekana icakurikiye ho nyuma yo guhura n’uyu mugabo wari witwaje imbunda; benshi bavuga yuko iki cari igihe aba bagabo bombi bari bavuye munama y’umutekano yari yahamagajywe na Major Muyoboke ku biro (bureau) bikuru bya polisi mu Minembwe.
Ababagabo bombi kandi biravugwa yuko bari mu bantu barenga 10 bandikiye ubuyobozi bwa komine ya Minembwe basaba ubuhungiro kuko bari mu bantu bakekwako bakorana n’inyeshamba za mai mai hamwe n’inyeshamba zikomoka mu Burundi, ariko bo bakaba bahakana ibyo baregwa n’inzego zishinzwe iperereza mu Mibembwe.
Andi makuru dufite twabwiwe n’abantu bohafi bari m’ubuyobozi bw’igiporisi aravuga yuko aba bayobozi bombi bahunganye ikashe (cachet) y’ibiro by’igiporisi ariko ubwo twabajije Major Muyoboke ko hari ico abizi ho akaba yabihakanye yivuye inyuma avuga ko ari ibinyoma.
Ibi bikaba byatumwe ubuyobozi bwa komine ya Minembwe buhamagaza indi nama yihutirwa ku munsi w’ejo n’Agatanu ku minsi 29/03/2019. Iyi nama ikaba izabera ku biro bikuru bya komine ya Minembwe. Major Muyoboke yavuze ko aba bagabo bombi n’umwe mu bashinzwe kubarinda (escort) bakomeje gushakishwa kugira ngo babazwe ibyaha baregwa n’inzego z’iperereza.