Basanze ari indembe nyuma y’iminsi myinshi yaraburiwe irengero…

1
33

MINEMBWE, SUD-KIVU – Amezi atatu n’amayinga atatu birashize nyuma yaho umwe mu bwara moto mukarere ka Minembwe yari yaburiwe irengero.

Kuva ku munsi w’Iposho, ku minsi 11/01/2020 nibwo ubuyobozi bw’abakora akazi ko gutwara abantu kuri moto bwamenyeko umwe mu bakozi babo, Thierry aki muzima.

Tukimara kumva aya makuru, urubuga http://www.imurenge.com twegereye umwe mu bakoranye na Thierry, Mutabazi Serugo atubwira yuko mugenzi we yabonetse ndetse ko bamujanye kwa muganga. Mutabazi akaba yatubwiye yuko mugenzi we, Thierry ari kuvurirwa Uvira nyuma yo kumusanga ari indembe.

Ubwo batubwiye aya makuru, abatwara moto mu Minembwe bakomeje bavuga yuko bakicumva yuko mugenzi wabo Thierry akiri muzima, batinze kubyemera ari nabwo basabye numèro za telephone kugira ngo bashobore kuvugisha Thierry, wari waburiwe irengero. Bakimara kubona iyi numèro ya telephone baramuhagara aritaba ababwira ko akiri muzima.

Nyuma yaho, urubuga http://www.imurenge.com twahamagaye Thierry ku murongo wa telephone maze atubwira yuko yari yatwaye abagenzi nkuko asanzwe abigenza, mukazi ke akora aho yari abakuye mu Madegu. Thierry yavuze yuko yari avuye mu Madegu agiye mu Mikenke, bashitse ahitwa muri Nyarubira, ikibira kiri hagati ya Kalingi na Mikenke, teritware ya Mwenga ngo nibwo bahuye n’abagizi ba nabi we akeka ko bashobora kuba bari arabarwanyi ba Mai Mai.

Thierry avuga ko aba bantu bahagaritse moto, bamujana mu gihuru; bashitse yo ngo batangira kumutoteza, baramutemagura umubiri wose, barangije bamubwira amagambo yo kumutuka aho bamubwiraga ko atari Umukongomani. Yakomeje avuga yuko ibi byabaye mugihe we (Thierry) yari afite ibyangombwa bimuranga ko ari imvukire ya Congo ndetse ko yari anafite n’ibyangombwa bimwemerera gukora akazi ko gutwara moto.

Thierry yavuze kandi ko yaje gufashwa n’umwe mu bagore, ukomoka mu bwoko bw’Ababembe (Bembe) wari ugiye guhinga, mu murima. Uyu mugore akaba yarafashije Thierry akamugeza mu Mikenke ari nabwo yaje koherezwa Uvira kugira ngo aje kuvurirwa yo kuko ngo yari arembye. Thierrykuri ubu akaba ari mu bitaro bikuru bya Uvira aho ari gukurikiranwa n’abaganga.

Tubamenyesha yuko nyuma yo gutotezwa no kugukorerwa ibikorwa by’ihohotera ikiremwa muntu, moto yarafite bayimenyeho esansi barayitwika irasha irashira.

Ibikorwa nk’ibi byagiye bigaragara mukarere ka Minembwe ubwo, abantu benshi baburiwe irengero barimo abagore ndetse n‘abagabo.

Tubibutse yuko bamwe mu bagore bo muri aka karere bagiye bafatwa ku ngufu n’inyeshamba bavugako ari iza Mai Mai ndetse na bamwe mungabo za leta bakaba baragiye bavugwa muri bene ibi bikorwa bigayitse mugihe abaturage bari bazi yuko bazafashwa n’izi ngabo za leta.

 

1 COMMENT

  1. Iyi nkuru ntikoze neza kbs. Thierry ni uwo mu buhe bwoko? Kubera ibibera mu Minembwe, umunyamakuru wanditse iyi nkuru, yari gukora isesengura ahereye ku bwoko bwa Thierry kugira ngo yerekane ko hari abatotezwa (Nimba Thierry ari umunyamulenge), cg se yerekane ko n’andi moko arimo gukorerwa ibintu nkibi mu rwego rwo kwerekana uko umutekano muke wifashe hariya. Itangazamakuru rishinzwe gutanga Amakuru yakorewe isengura kugira ngo izindi nzego zikore neza. Itangazamakuru ni ijisho, akanwa, amatwi ya rubanda. Murakoze. Next time muzajye mugerageza mushiremo akabaraga aho kunyura inkuru hejuru.

LEAVE A REPLY

Please enter your comment!
Please enter your name here