MINEMBWE, SUD-KIVU – N’Agatanu, ku minsi 17/01/2020 mu Minembwe, haravugwa amakuru y’inyeshamba za Mai Mai zifashijwe n’inyeshamba zikomoka mu bihugu bihanye imbibe na Republika Iharanira Demokrasi ya Congo zagabye ibitero ku minaha ibiri yo mu Minembwe; imwe mu mihana yazindutse iterwa ni umuhana wa Gakanga na Muriza.
Imirwano ikaba yabaye umwanya utari muto kugeza ubwo izi nyeshamba zatwitse iyi mihana yombi, abaturage bakaza kuyirukanwa mo n’izi nyeshamba.
Biravugwa yuko izi nyeshamba zinjiye mu muhana wa Gakangara ya ruguru, aho bakunze kwita kuri Neuf (9). Nyuma yo kumenya aya makuru, urubuga http://www.imurenge.com twagerageje guhamagara bamwe mu baturage ba Gakangara ariko ntitwabashije kubatora k’umurongo wa telephone kubera kuko bariko bahunga iyi ntambara.
Umwe mu baturage twabashije kuvugisha wo kuri Muriza (hafi na Gakangara), yatubwiye yuko izi nyeshamba zabateye kandi zaje ari ninshi kugira ngo zigabe ibitero mu mihana itandukanye ya Minembwe. Kuva ku mugoroba w’ejo n’Akane nibwo bivugwa yuko hari amakuru yageze ku baturage ba Minembwe avuga yuko izi nyeshamba zishobora kugaba ibitero hirya no hino ku baturage b’imihana itandukanye ya Minembwe.
Amakuru yizewe atugeze ho avuga yuko bamwe mu mbuzi (ibyitso) zaburiye (zabwiye) bamwe mu baturage b’iyi mihana ya Minembwe binyuze ku butumwa bwa telephone (messages) ko hari ibitero bigiye kugabwa kuri iyi mihana ariko aba baturage ntibabyemera; aba baturage bakaba bavuga yuko batitaye kuri ubu butumwa kuko baketse yuko ari ibinyoma.
Uyu munsi n’Agatanu ku minsi 17/012/2020 nibwo izi nyeshamba zazindutse zitera iyo mihana yombi twavuze haruguru. Bikaba bivugwa yuko imihana yavugwaga m’ubutumwa aba baturage bakiriye bw’imbuzi bwavugaga imihana nka: Gakangara, Muriza ndetse n’umuhana wa Kalongi. Iyi mihana ko ari itatu ikaba yegeranye aha ni ahegereye imisozi ya Mitumba (Chaines de Mitumba).
Gusa kugeza ubu, mu masaha icenda z’umugoroba (3PM) ibyangiritse ntibiramenyekana cangwe ngo tumenye abashobora kuba baguye muri ibi bitero.
Tubibutse yuko abaturage bari barahunze imihana yabo kubera intambara bari batangiye kuyizubira mo ariko uyu munsi bakaba bongeye guhunga basubira mu Minembwe. Aba baturage bose bahungiye ahitwa i Gakenke ahitwa mu Bakamata ndetse ko amasasu agikomeje kumvikana mu mihana bahunze.
