Ubwoba ni bwose mu nkambi ya Kiziba, ese amaherezo n’ayahe hagati ya leta y’Urwanda n’impunzi z’Abakongomani?

0
57

 

Hashize iminsi ishika kur’ Ine (4) impunzi z’abanyecongo zibarizwa mu nkambi ya Kiziba mu Rwanda zirara hanze, iki n’icemezo zafashe nyuma yaho zitangiye kwikanga ishimutwa rya bamwe mu bayobozi babo.

Izi mpagaragara zatangiye kur’aka kazirimwe ubgo umuyobozi mukuru w’impunzi mur’iyo kambi yasabgaga kwitaba urwego rushinzwe abinjira n’abasohoka ndetse n’uhagarariye MIDIMAR mur’iyo kambi maze akanga kwitaba.

Ahagana mu masaha ya mugitondo nibgo uyu muyubozi uhagarariye impunzi mw’ikambi ya Kiziba yakiriye telefone yabo bayobozi maze bamusaba ko yaza kubitaba ku biro bya Polisi gusa ntiyabemerera maze abasaba nabo ko baza bakamusanga ku biro bye.

Bidatinze abo bayobobozi baje kuza mw’ikambi, bazana n’ uhagarariye igipolisi c’Urwanda mu karere ndetse n’uwungirije igipolisi c’Urwanda mu ntara y’uburengerazuba, maze bababgira yuko bazanwe n’ ikibazo c’imyigaragambyo impunzi zifite mu nkambi.

Ubgo imurenge.com yavuganaga na bamwe mur’izi mpunzi, batashatse ko amazina yabo ashirwa ahagaragara, bahakanye bivuye inyuma ko nta myigaragambyo bari bafite ahubgo bakemeza ko igipolisi caje gifite umugambo wo gutwara bamwe mu bayobozi babo maze impunzi zigasenyera umugozi umwe zikaburizamo uwo mugambi.

Intandaro y’iki kibazo

Bija gutangira byatewe n’igabanywa ry’amafaranga buri mpunzi yakiraga buri kwezi, byavuye ku madorali icenda ($9)  rikagera ku madorali atandatu n’ ibice birindwi ($6, $7) maze bigatangirana n’umwaka wa 2018. Iri tangazo ryavuye mu rwego  rwa WFP/Rwanda (World Food Program) ntago ryashimishije na busa izi mpunzi n’ ubundi zitari zibayeho neza nkuko zibyivugira.

Bija gukomera byatewe n’igitutu izi mpunzi zashize ku bayobozi babo mu nkambi babasaba ko babavuganira maze bataha bakaja kugwa iwabo aho kwicwa n’inzara mu nkambi, abayobozi babo baje kubumvira maze bohereza amabarwa k’ urwego rukuru rw’umuryango w’abibumbye i Geneva na WFP i Roma ndetse bamenyesha na leta y’Urwanda.

Ibaruwa impunzi zandikiye umuryango w’abibumbye, Geneva…

 

Aha Impunzi zasabaga gusubizwa iwabo…

Mu byari bikubiye mur’ayo mabaruwa kwari ugusaba gusubizwa iwabo cangwa bakajanwa mu kindi gihugu byagateganyo mu gihe bagitegereje igisubizo kirambye gusa kugeza nanubu nta gisubizo barahabga.

Ikindi kibazo  kibaraje inshinga cane n’icemezo impunzi zivuga ko leta y’Urwanda yafashe co kubashira mu byiciro by’Ubudehe, ibi bikaba byaravugiwe mu nama yabaye ku minsi 8/02/2018, ikabera muri Kigali Convention Center, igamije kwimakaza ihame ry’uburinganire ku bari n’abategarugori b’impunzi. Nubgo impunzi zemeza aya makuru ariko leta y’ urwanda ntiragira ico iyavugaho. zimwe mu mpunzi zavuganye na http://www.imurenge.com zivuga ko iyi ari gahunda ya leta y’Urwanda yo kubahindura Abanyarwanda.

Izi mpagarara zije zisanga ikindi kibazo cari kibabangamiye cane izi mpunzi, akaba ari ikibazo co kwimwa uburenganzira bgo kwibuka ababo bazize uko basa mu matariki bapfiriyemo,  iyi gahunda yafashwe na leta y’Urwanda k’ubusabe bgakozwe na bamwe mur’izo mpunzi babisabye nubgo hariho abandi bitabikozwa. Kugeza ubu impunzi z’Abanyamurenge zahisemo kutazaza zibuka ababo baguye mu Gatumba kuko basanga  kutabiha inyito ikwiriye bibangamira uburyo bg’ubuvugizi buba burangajwe imbere kugirango abakoze ayo marorerwa batabge muri yombi maze bashikirizwe ubutabera.

Iyi gahunda yo guhuza ibiriyo hagati y’ impunzi z’abakongomani, bamwe bakomoka muri Kivu y’amajepfo (Abanyamurenge) na Kivu y’amajaruguru, yahawe inyito igira iti “Ubgicanyi bgakorewe Abatutsi b’Abakongomani”, akaba ariyo yabaye imbarutso maze Abanyamurenge bo bakabitera utwatsi bavuga ko atari Abatutsi ahubgo ari Abanyamurenge bityo kubaha irindi zina byaba ari ukubagorekera amateka doreko n’ubgicanyi bakorewe bgakozwe hagamijwe kurimbura Abanyamurenge.

 

 

LEAVE A REPLY

Please enter your comment!
Please enter your name here