CAPE TOWN, R.S.A – Ku minsi 10/01/2018 i Cape Town muri ya Afurika y’Epfo haravugwa umunyekongo wafunzwe azira kugira uruhare mu kwica Raymond Dusabe, umuganga ukomoka mu Rwanda.
Muganga Raymond Dusabe w’imyaka 40 y’amavuka‚ wigeze kuba umuganga mu bitaro by’umwami Faisal Hospital i Kigali‚ basanze umurambo we ahegereye Beach Road‚ Sea Point. Biravugwa ko yishwe anizwe kuko atigeze ava amaraso menshi, umurambo we waje kuboneka haciye igihe.
Junior Kamono ukomoka muri Republika Iharanira Demokrasi ya Congo, niwe ukekwa ho gukora aya mahano yo kwica. Yasabye umuburanira ko aburana m’ururimi rw’ikingereza. Kamono yafashwe nyuma yaho police yakurikiye ikirari c’imodoka ya Dusabe.
Dusabe wishwe, biravugwa ko yari ingaragu kandi yari mu kiruhuko muri Cape Town. Yakuriye munkambi zo mu Burundi nyuma yaho umuryango we wiciwe muri Genocide yakorewe Abatutsi mu mwaka wa 1994. Dusabe yasubiye mu Rwanda mu mwaka wa 1998 nyuma yo gutsindira Diplome ye mu bijanye n’ikiganga.
Kugeza na nubu, nti haramenyekana impamvu y’urupfu rwa muganga Dusabe.
Imurenge.com, twihanganishije umuryango ndetse n’igihugu cabuze uyu muganga. Imana imwakire mu bwami bwayo.