Akarere ka Minembwe kongeye guterwa n’inyeshamba za Mai Mai

0
13

MINEMBWE, SUD-KIVU – Mugihe hari hagize nka kangahe hari agahenge mu karere ka Minembwe, uyu munsi Nakabiri, ku minsi 10/12/2019, bivugwa yuko umuhana wo ku Kabingo wazindutse uterwa n’inyeshamba za Mai Mai.

Nkuko tubikesha umuyobozi w’akarere ka Minembwe, Mukiza Gad Nzabinesha, yavuze yuko uyu munsi  humvikana urusaku rw’amasasu menshi, hafi n’amasomo ya EVOMI. Aha ni ku birometeri icumi (à moins de 10 Kilomètre) hafi yo mu Madegu.

Nkuko shefu Mukiza yaganiriye n’urubuga http://www.imurenge.com, yavuze yuko hakimara kumvikana urusaku rw’amasasu menshi, imwe mu modoka za MONUSCO (igifaru) yahise yerekeza ahumvikanye urwo rusaku kugirango bakumire ibyo bitero by’inyeshamba.

Umunyamakuru wacu uri mu Minembwe yatubwiye ko iki gitero cakozwe n’inyeshamba za Mai Mai, maze  zitera umuhana wa Kabingo abaturage bahungira mu Mandegu, aha ni Minembwe yo hagati.

Chef Ruvugwa, Umuyobozi gakondo wo ku Kabingo arashinja ingabo za leta uburangare ndetse n’ubugambanyi,  ibirego FARDC yakomeje ihakana yivuye inyuma ndetse ikanavuga ko idafite aho ihengamiye mu mirwano ihuza amoko.

Kanda hano hasi utegere ikiganiro yakoranye na MPC

Umwe mu baturage bo ku Kabingo yaganiriye na MPC agira ati:

Mbere yuko badutera, byatangiye mu yinga rishize ubwo izi nyeshamba za Mai Mai ndetse zifashijwe n’indi mitwe yitwaje intwaro ikomoka mu bihugu bihanye imipaka na Congo, banyaze inka zirenga 500 mu Minembwe. Izi nka zashorewe n’izi nyeshamba zijanwa ahitwa i Kisanya. Igitangaje nuko abasore ba Twirwaneho (urubyiruko rw’abasore b’Abanyamulenge) bashatse gukurikira izi nka. Nyuma yo gukurikira izi nka, aba basore batwitse uyu muhana w’i Kisanya. Ingabo za leta (FARDC) zateze aba basore ba Twirwaneho bakomeretsa mo 7 muri aba basore. Nyuma yaho nibwo inyeshamba za Mai Mai kandi zateye umuhana wacu wo ku Kabingo n’ibirometero icumi, hafi yo Madegu.

Tubibutse yuko iki gitero caje gusubizwa inyuma n’ingabo za Monusco k’ubufatanye na leta, ndetse n’abaturage birwanirira k’urundi ruhande.

Tubibutse kandi yuko ibi bitero bikomeje kuvugwa mukarere ka Minembwe bimaze kwangirize ibintu bitari bike ndetse n’abantu batari bake bamaze kuhasiga ubuzima. Bamwe bagiye bicwirwa mumayira, aho bagiye bagwa mu mitego y’ubugizi bwa nabi ndetse abandi baraterwa.

 

LEAVE A REPLY

Please enter your comment!
Please enter your name here