MINEMBWE, SUD KIVU:- Kuva intambara zitangiye kuvugwa mu karere ka Minembwe ibitaro by’ishirahamwe rya UGEAFI, Centre Medical d’Application de Minembwe (CEMAM) bikorera muri aka gace byakomeje kwakira abarwayi benshi kuva mu mihana itandukanye nka; Rugezi, Gakangala, Irumba, Kabingo, Biziba, Gisoki, Gakenke, Muriza na Runundu. Aha ni nyuma yaho abenshi muri aba baturage b’iyimihana tuvuze haruguru bahungiye mu muhana wa Runundu uri hafi n’ibi bitaro.
Nubgo aba baturage bakomeje kwivuriza kuri ibi bitaro, bavuga yuko ubushobozi bwabo bukomeje kubabana buke mugihe bashatse kwivuza. Bavuga yuko kuri ibi bitaro umwana muto ariha 3$ umuntu mukuru 4$ kugira ngo bivuze.
Tukimara kumenya aya makuru, urubuga http://www.imurenge.com twaganiriye n’umukuru w’ibi bitaro, Rumenge Senga atubwira yuko akenshi usanga abarwayi baza bataka ko ari nta mafaranga bafite bityo ngo bikaba ngombwa ko bavura k’ubuntu. Rumenge akaba avuga yuko nubwo bakora iyo mirimo yose yo kuvura k’ubuntu, ariko ubushobozi bw’ibitaro nabwo ari buke kuko haba hakenewe imiti kugira ngo akazi k’ubuvuzi gakomeze.
Tubibutse yuko kuva m’umwaka w’i 2016 aribwo ibi bitaro byatewe inkunga n’ishirahamwe ry’Abanyamerika ryitwa Segal ariko uyu bivugwa yuko mwaka kubera ikibazo c’intabara zabaye mukarere byatumye abarwayi biyongera, doreko abantu bakuwe mubyabo n’intambara maze bituma bataryama neza ndetse no kubura ibyo kurya. Ibi bikaba ari bimwe mu byatumye indwara ziyongera mukarere ari nabyo abayobozi b’ibi bitaro bya CECAM bavuga yuko badashoboye kuvura aba baturage nkuko bikwiye.
Ubuyobozi bw’ibi bitaro bikaba buvuga yuko ngo ubusanzwe imiti bakoresha yabageragaho biciye ku modoka zazaga zivuye za Uvira, ariko kuri none inzira zikaba zitameze neza mu bijanye n’umutekano. Kuba ibarabara ritameze neza ni bimwe mu mbogamizi zituma ibi bitaro bidakora neza nkuko bikwiriye.
Rumenge Senga akaba asaba imiryango mpuzamahanga kubafasha kugira ngo bite ku kibazo c’aba baturage bakuwe mubyabo n’intamba bakaba bakomeje kwibasirwa n’indwara zitandukanye zirimo; Marariya, Indwara zo mu bihaha, Inzoka zo kwiruka (Diarrhea) n’izindi zitandukanye.
Sibi byonyine bituma ibi bitaro bidakora neza, mu haravugwa n’ikibazo c’umutekano muke uvugwa mukarere aho usanga akenshi abantu bitwaje imbunda baza gutega abantu hafi y’ibi bitaro biri kugira ngo babanyage ibyabo. Ibi bikaba bifite ingaruka mbi ku barwayi mugihe haramutse humvikanye amasasu kukp ngo bitera abarwayi kwikanga muburyo usanga hari abagira ibibazo by’umutima.
Ikibazo co gutegera abantu mu mayira, ahegereye ibi bitaro bya UGEAF bivugwa yuko bimaze kuba inshuro zirenga zitatu ndetse abarwayi bagahunga bava muri ibi bitaro. Ibi ngo bituma bamwe mu barwayi barushirizaho kurwara bitewe no kwikanga ndetse no kuba bakuwe mu biryamo mugihe bashatse kurengera ubuzima bwabo.
