Inka zirenga 300 zaraye zinyazwe muri Kamombo

Kamombo, 17-Oct-2019: Mai Mai yaraye iteye imihana yo mu Kamombo, secteur ya Tanganyika muri Territoire ya Fizi, maze inyaga inka zishika kuri 300.

Imihana yatewe akaba ari Gitasha yambere, Gitasha ya Kabiri, ndetse na Mikarati. Iki gitero kikaba cagabwe mur’iri joro ryakeye.

Umwe mu baturage ba Kamombo, Hakizimana Patrick, akaba yatangarije imurenge.com ko Mai Mai yasize inatwitse iyo mihana tuvuze hejuru aha.

Ibi bibaye mu gihe ingabo za Leta zirimo gukomeza kwongerwa mu karere k’imisozi miremire ya Minembwe m’urwego rwo gukumira ibitero bya Mai Mai.

Guhera kur’iri yinga rishize, ibitero bya Mai Mai byakomeje kwiyongera, ababikurikiranira hafi bakavuga ko uyu ari umugambi mubisha wo kwigarurira Komini ya Minembwe dore ko bamwe mu bahezanguni batigeze bishimira ishirwaho ry’iyi Komine.