Abagenzi banyazwe ibyabo n’abantu bitwaje imbunda ndetse bashaka no kubica…

0
26

FIZI, CONGO – Mu gihe hari hamaze iminsi itari mike bivugwa ko inzira z’abagenzi zitekanye, none ku minsi 07/04/2018 abantu batatu bitwaje imbunda bongeye gutega abagenzi munzira babanyaga ibyabo ndetse bashaka no kubagirira nabi ariko Imana ikinga ukuboko bose bahava ari bazima.

Inkuru itugezeho iravuga ko aba bagenzi bari berekeje Baraka, Uvira, kwa Mulima ndetse n’indi mihana itandukanye mukarere ka Fizi. Aba bagenzi bakigera ahitwa kuri Karongi, ahari ikibira bita Burunga, nibwo baje kwisanga baguye mu mutego w’abantu bitwaje imbunda.

Bakimara kugera imbere y’iki kibira, batubwiye ko ariho basanze aba bantu batatu bari bitwaje imbunda ari nabwo babahagaritse babasaba kumanika amaboko ndetse bagata n’ibyo bari bafite byose. Aba bitwaje imbunda bahise basaba buri wese gukora mu mupfuko we agakura ibirimo byose, aba bagenzi bahise bakuramo ibyabo babisiga aho.

Bamwe mu banyazwe babwiye Imurenge.com ko aba bagizi ba nabi babanyaze za téléphones ngendanwa, amafaranga, amahuzu
ndetse banashatse no kubarasa ubwo bari babategetse kugenda batarebye inyuma. Umwe mu banyazwe n’aba bagizi ba nabi yavuze kandi ko aba biyitaga inyeshamba za mai mai “Temoin De Jehova”.

Aba bagizi ba nabi banyaze kandi abandi bagenzi nakane ku minsi 05/04/2018 muri iki kibira ca Kalongi kindi bita Nyamabuguma, ni muri iyi zone ya Fizi.

 

LEAVE A REPLY

Please enter your comment!
Please enter your name here